U3F1ZWV6ZTEwMDI3OTUwNTY1MTc2X0ZyZWU2MzI2NDk4MzQxODM3

طريقه عمل البسبوسه اللذيذه

البسبوسه كما يجب أن تكون زي المحلات



المقادير

 ٣ كوب سميد ناعم
 نص كوب  سكر
 نص كوب سمن بلدي
 نص كوب لبن
 نص كوب عسل

مقاديرالشربات
  ٢ كوب سكر
  ٢ كوب ماء
معلقه عسل جلوكوز

الطريقه
 اول حاجه ف بوله احط السميد واضيف عليه السمنه البلدي واغلف كل حبيبات السميد بالسمنه زي الصورة وعلى النار احط حله فيها اللبن والسكر والعسل ومجرد بس يبقي اللبن دافئ والعسل والسكر يدووووب ف اللبن أطفي النار وابتدي انزل باللبن اللي دوبنا فيه العسل والسكر ع السميد ومممنوووووووووع العجن  زي الصورة مجرد بس بصوابعي بخلط المكونات ببعضها فقط تاااني ممنووووووووع العجن وف صينيه مدهونه سمنه بلدي احط خليط السميد وبايدي تساوي السطح بتاع البسبوسه وف الفرن ع درجه حراره ١٨٠لمده نص ساعه وتطلع اكون جهزت الشربات ف آخر ربع ساعه من تسويه البسبوسه حله ع النار فيها ٢كوب سكر ع ٢كوب ماء واول مايدوب السكر وتبتدي تغلي اضيف معلقه عسل جلوكوز لو مش متوفر عندك ضيفي عصير  نص ليمونه وسيبيها تغلي ٧دقائق واطفي عليها هتكون البسبوسه استوت تماما هيا سخنه والشربات سخن واضيف الشربات  كله ع البسبوسه واغطيها بورق فويل ٥دقائق وابتدي اقطعها وتتقدم بالهنا ع قلوبكم
وممكن تضيفي بندق او لوز ده اختيااااري انا عملتها ساده وزينتها بجوز الهند 
ليست هناك تعليقات
إرسال تعليق

إرسال تعليق

الاسمبريد إلكترونيرسالة