U3F1ZWV6ZTEwMDI3OTUwNTY1MTc2X0ZyZWU2MzI2NDk4MzQxODM3

طريقه عمل السجق الشرقي






عايزة اكله سريعه ولذيذه تعالي معايا نشوف
اكله ف عشر دقائق
المقادير
سجق شرقي
فلفل رومي وحار 
فلفل الوان
بصله
توم مفروم
طماطم
بهارات ملح وفلفل اسود وتوم بودر وبصل بودر وبابريكا
الطريقه
اول حاجه بقطع الفلفل الرومي والحار والألوان الي مكعبات صغيره وكمان بقطع الطماطم مكعبات والبصل اقطعها صغير والتوم حوالي ٣فصوص توم مفروم والسجق بقطعه نصين اللي حابب يعمله بدون تقطيع مفيش مشكله بس انا بفضل اقطعه عشان يشرب من الصوص بتاع الخضراوات وطعمه بيبقي احلي  اول حاجه بجيب طاسه ع النار فيها معلقتين كبار زيت اضيف التوم واول مايبقي لونه ذهبي انزل بالسجق والبصل واشوحهم لغايه ماياخد البصل لون دهبي والسجق ياخد لون حلو من كل الجوانب زي الصورة  انزل بالفلفل الألوان والرومي والجار والطماطم وتقلبتين واضيف معلقه صغيره من البهارات فلفل اسود وتوم بودر وبصل بودر وبابريكا والملح اضبطه حسب الرغبة  واسيبهم مع بعض ع نار متوسطه خمس دقائق الي عشر دقائق بيكون استوي تمام وبيتقدم وبالهنا ع قلوبكم جربوها أن شاء الله تعجبكم اكله سريعه ولذيذه 
ليست هناك تعليقات
إرسال تعليق

إرسال تعليق

الاسمبريد إلكترونيرسالة